Трагедија во Онтарио: Четворица воени кадети загинаа откако со возило влетале во водите на кампусот
Четворица канадски воени кадети загинаа откако нивниот автомобил влетал во водата во нивниот кампус во Онтарио, пишува Гардијан.
Препорачано
Инцидентот се случил рано во петокот во кампусот на Кралскиот воен колеџ во Кингстон, соопшти канадското Министерство за национална одбрана.
Националната истражна служба на канадските сили го истражува инцидентот.
Комедорот на колеџот, Хозе Курц, ги идентификуваше офицерските кадети како Џек Хогарт, Андреј Хонсиу, Броден Марфи и Андрес Салек.
„Четири кадети од четврта година на Кралскиот воен колеџ на Канада кои патуваа во едно возило ги загубија животите кога нивниот автомобил влегол во водите на кампусот во Поинт Фредерик “, рече Курц.
Тој додаде дека четворицата студенти биле при крај со своите студии. Хогарт и Салек студирале воени и стратешки студии и требале да станат оклопни офицери во армијата.
Инспекторите во петокот го испитуваа патот и крајбрежјето со чамци. Синоќа, возилото во кое биле кадетите било извлечено од водата од властите, објави Си-Би-Ес њуз.
„Моето срце се кине за семејствата и пријателите на четворицата офицерски кадети кои ги загубија животите рано утринава во Кингстон“, напиша на Твитер премиерот Џастин Трудо. „Трагичното поминување на овие млади Канаѓани е катастрофална загуба. За сите што ги познаваа: ние сме тука за вас“.
