Шест малолетни земјоделски работнички се удавија, а уште две се водат како исчезнати откако брод со кој се враќале дома се превртел во река во Северна Нигерија, соопшти вчера полицијата.

Околу 15 девојчиња, на возраст од 12 и 13 години, биле на бродот враќајќи се дома од работа на оризово поле во Гунка, државата Џигава, изјави портпаролот на полицијата Шиису Адам. Тој ја припиша несреќата на прелевањето на реката поради неодамнешните дождови, силните струи и недостатокот на безбедносни мерки – тинејџерките не носеле елеци за спасување.

Капетанот на бродот, кој избегал од местото на настанот, ќе биде гонет за „кривична небрежност и непочитување на безбедносните прописи“, изјави портпаролот на полицијата.