Над 70 лица загинаа во сообраќајна несреќа што се случи вчера, недела, во Јужна Етиопија, според новиот биланс што го објави полицијата, појаснувајќи дека возилото со жртвите паднало во провалија.

Возилото, камион, „паднало во клисурата на реката Гелана“, се вели во соопштението на органите на редот доцна синоќа, цитирајќи го началникот на регионалната полиција Даниел Санкура.

#Sidaamaatti balaa tiraafikaa namoota cidha dhaqan irratti mudateen namoonni 71 du’an

Konkolaataan namoota cidha dhaqan fe’ee imalaa ture godina Baha Naannoo Sidaamaa aanaa naannawaa Boonaa riqicha laga Galaanaarraa kufuun balaan kun qaqqabuu eerameera.https://t.co/qOvXwuteuh pic.twitter.com/GeuG32DctV

— Addis Standard Afaan Oromoo (@AddisstandardAO) December 30, 2024

Даниел Санкура појасни дека во несреќата загинале 68 мажи и три жени, а уште две лица се тешко повредени.

Државната здравствена служба вчера преку Фејсбук објави дека „сообраќајна несреќа досега однела животи на 66 лица“, без да даде повеќе детали. Државата Сидама се наоѓа на приближно 300 километри јужно од главниот град Адис Абеба.

На замаглените фотографии објавени од здравствената служба се гледаат неколку луѓе околу возило делумно потопено во вода.

Други фотографии, објавени од истата агенција, покажуваат тела на земја покриени со сини церади.

Здравствената служба изрази сочувство до семејствата на жртвите и соопшти дека дополнително ќе објави повеќе информации.