Утрово во Клиничката болница во Битола, почина 24- годишен пациент од Ресен, хоспитализиран во ковид центарот од 25. август.

Момчето било примено во тешка општа состојба со ниска сатурација, со масивна бронхопневмонија.

Од битолската болница велат дека пациентот веднаш бил поставен на соодветна комбинирана терапија и перманентна максимална кислородна поддршка. Му бил земен брис, а потоа добиен позитивен наод на ковид тестот.

Пациентот и покрај превземените интензивни и реанимациони мерки починал утрово во 08 часот, велат од болницата и додаваат дека тој не бил вакциниран.

Неофицијално, во Ресен се зборува дека момчето пред десеттина дена правело свадба и така се заразило.