Англискиот премиерлигаш Тотенхем го именуваше Нуно Еспиринто Санто за нов менаџер.
Со ова заврши сагата околу потрагата по наследник на Жозе Мурињо кој на 19 април доби отказ. Португалецот потпиша двегодишен договор со Тотенхем кој во последните неколку денови се поврзуваше со неколку тренери.

✍️ Welcome to Tottenham Hotspur, Nuno Espírito Santo.#WelcomeNuno

— Tottenham Hotspur (@SpursOfficial) June 30, 2021

– Кога имате тим со квалитет и талент мора да се трудите навивачите да уживаат и да бидат ггорди. Ќе ми биде огромно задоволство, но и чест да го предводам Тотенхем. Немаме време за губење, мора веднаш да почнеме да работиме бидејќи подготовките стартуваат за неколку дена – изјави Нуно Еспирито Санто по стапувањето на менаџерската позиција.

Еспирито Санто во последните четири години со успех го предводеше Вукверхемптон кого од Чемпионшип  го внесе во Премиер лигата, а исто така играше и во четвртфиналето во Лигата на Европа. Покрај тоа, Португалецот работеше и во Рио Аве, Валенсија и Порто.
– Сакаме да им се заблагодариме на навивачите за трпението кои го покажаа за време на нашата потрага по нов тренер. Веќе зборувавме дека сакаме да се вратиме на нашата филозофија, офанзивен, напаѓачки фудбал и веруваме дека Нуно е човекот кој може да направи нешто посебно – изјави претседателот на Тотенхем, Даниел Леви.