Тори Спелинг повторно ја изненади јавноста со необична и многу лична исповед од нејзиниот претходен брак со актерот Дин Мекдермот. Во најновата епизода од нејзиниот подкаст „misSPELLING“, познатата актерка откри дека Мекдермот, со кого беше во брак 17 години, сакал таа да ја глуми Дона Мартин – ликот што го играше во култната серија „Беверли Хилс, 90210“ – за време на интимни моменти.

„Дин, мојот бивш, кога првпат се запознавме, ми кажа дека е многу заљубен во мене“, се присети Тори. Таа додаде дека секоја среда, кога се емитуваше емисијата, Мекдермот порано ги напушташе хокеарските натпревари со пријателите за да ја гледа на телевизија. „Во соблекувалната, велеа: „Треба да си одиш дома, твојата девојка е на телевизија.““

Иако на почетокот мислела дека можеби тој го прави тоа за да ја импресионира, со текот на времето ѝ станало јасно дека неговата заљубеност во Дона Мартин е многу реална.

„Сигурна сум дека во одреден момент за време на сексот тој ми рече: ‘О, моја мала Дона Мартин’“, откри Спелинг. Таа додаде дека му одговорила со кикотлив глас, имитирајќи го својот лик.

Ова не е првпат Тори отворено да зборува за приватните детали од нејзината врска со Мекдермот. Во април, таа призна дека жали што нивната приватна секс снимка никогаш не завршила во јавноста.

„Никогаш не ги заклучувавме нашите работи“, рекла таа. Според неа, пријател на нејзиниот поранешен сопруг се обидел да ја продаде снимката на позната порно продукциска компанија „Vivid Video“, но компанијата ја одбила понудата.

„Тој нѐ контактираше и рече: „Само да знаете, не ја прифативме“. Јас прашав: „Зошто? Дали кадрите беа лоши?“ се пошегува Тори.

Тори Спелинг и Дин Мекдермот ја објавија својата разделба во јуни 2023 година, по 17 години брак. Девет месеци подоцна, актерката официјално поднесе барање за развод. Поранешната двојка има пет деца: синот Лиам (18), ќерките Стела (17) и Хати (13) и синовите Фин (12) и Бо (8). Мекдермот има и син, Џек (26), од претходната врска со Мери Џо Јустас.