Тоа што оваа година можеби нема да заминете да летувате на море, не треба да тагувате. Нашата земја можеби е мала, но голема е со природни убавини кои ќе ве воодушеват и ќе ве натераат да дојдете повторно.

Планина, езеро, кампување, река, рурален туризам се само дел од тоа што го пружа ова наше поднебје.

 

View this post on Instagram

 

#photography #photoshoot #summer

A post shared by ELENA VELEVSKA (@evelevska) on Oct 12, 2018 at 4:24am PDT

Дестинации има многу, а ваше е само да изберете или да ги прочитате советите на фолк-ѕвездата Елена Велевска, кој за „Слободен Печат“ ни предолжи три нејзини омилени дестинации:

1. Манастир Св.Наум во Охрид. Кога одите натаму се чувствувате како да влегувате во рајот на земјата. Смиреност, птичја песна, вода, височина, пауни. Незаборавна глетка која нема никогаш да ви се избрише од меморија. На заминување ќе ве пленат одличните ресторанчиња за храна, на кои не можете да одолеете. Од храна ви препорачувам риба по ваша желба.

2.  Маврово од секогаш ме привлекувало. Особено хотел „Радика“, место кое го препорачувам на секој кој сака да се наполни со кислород. Планина, изолираност, тишина пријатна за секого, одлична кујна. Наше е само да се препуштиме во кралскиот третман.

3. „Аурора” Берово. Омилено место за фамилијарен одмор.Најмногу ми се мили зајачињата кои го прават совршен дворецот на комплексот. Ви го препорачувам преку целата година, бидејки е вистински избор и за пиење чајче во друштво и за разладување во базенот. Ако одите, немој да заборавите да си купите беровско сирење и беровски компир.