Том Круз наводно сериозно се потрудил да ја придобие новата девојка, 25 години помладата русинка Елсина Хајрова. Двајцата биле на романтична вечера во Лондон неодамна, пишува „Дејли меил“.

Актерот од „Невозможна мисија“ (61), кој за прв пат беше забележан со 36-годишната поранешна сопруга на руски олигарх, минатата недела, се вели дека изнајмил цел кат од ексклузивниот ресторан „Мејфер“ за романтичниот состанок.

Според „Сан“ (The Sun), Том, кој има богатство во вредност од 500 милиони фунти, на вечера потрошил 500 фунти за јастог и суши.

„Том изгледаше многу вљубено и се ‘впиваше’ секој збор што Елсина го кажуваше. Изгледаа физички многу блиски“, изјавил извор за магазинот.

Таа била облечена во светкав фустан и црна бунда.

„Том беше многу дарежлив и им даде бакшиш на вработените 100 фунти, пред тој и Елсина да излезат од страничната врата во автомобилот што ги чекаше“, додал изворот.

Поранешната манекенка, која е британски државјанин, претходно била во брак со рускиот тајкун Дмитриј Цетков, со кого делеле замок од 22 милиони фунти на имотот Вентворт во Сари, како и куќи во Лондон вредни 18 милиони фунти.

Парот, исто така, поседувал имот и во Дубаи и во Кипар заедно со нивниот автомобил, накит и уметнички колекции вредни милиони фунти.

Го заборави Пике: Шакира се дружеше со Том Круз на Големата награда на Формула 1 во Мајами

Се огласи рускиот олигарх, поранешен сопруг на новата девојка на Том Круз: Сакав тој да ме глуми во филм