Според написите во странските медиуми, изгледа дека Том Круз е вистински „загреан“ за Ана де Армас, ништо не му е тешко да направи за да го привлече нејзиното внимание. Дури ја однел и на роденденот на Дејвид Бекам, а ѝ овозможил и најголем луксуз.

„Том го познава Дејвид 25 години. Нема шанси да донесе некого на 50-тиот роденден на Дејвид, освен ако врската не е сериозна. Том не е таков“, изјави неодамна извор, алудирајќи дека врската помеѓу Том Круз и Ана де Армас е посериозна отколку што се мислеше.

Популарниот холивудски актер последниве денови изгледа многу младолико, што предизвика лавина од коментари на социјалните мрежи, но и шпекулации дека актерот сака да ја освои актерката која е на прагот на 40-тие со својот „нов изглед“.

Сепак, изгледа дека Том Круз има и план Б, а планот Б вклучува сериозни суми пари.

Според „Дејли мејл“, Том Круз ја користи својата импресивна банкарска сметка за да ја шармира Ана де Армас, а веќе потрошил огромна сума само за да ја импресионира со одење до аеродромот. Често се забележани како се појавуваат заедно на аеродромите, а во саботата Круз ја однел до аеродромот „Хитроу“ со приватен хеликоптер за да летаат до Њујорк.

Наводно, краткото патување до аеродромот од центарот на Лондон го чинело Том многу. Се шират гласини дека околу 10.200 евра за тоа возење со хеликоптерот. Според „Сан“, Круз платил околу 5.700 евра само за изнајмување на личен хеликоптер, а потоа малку помала сума за сместување на актерката во ВИП апартманот „Виндзор“ на аеродромот.

Како што дознава „Сан“, актерот сака да ѝ покаже на Ана де Армас колку може да ѝ биде добро во негово друштво и дека со него едноставно не треба да размислувате за ништо.

„Том сака Ана да знае дека може да го има најдоброто од најдоброто и да не размислува за сметката. Тој е вистински господин и само сака да биде добар кон Ана. Ако тоа значи трошење пари, нека биде така“, открил изворот.