Македонскиот претставник Вардар и во реванш натпреварот денеска е поразен од Калцит Камник со 3:0 (25:16, 25:17 и 25:17) во рамките од 1/16 финалето на Челинџ купот на ЦЕВ.

Словенечката екипа ја потврди доминацијата и на возвратниот меч со подобар прием и напад, како и со девет наспроти пет блока и со осум наспроти пет аса.

Но, вардарци освоија нешто повеќе поени во однос на вчерашниот дуел 3:0 (25:12, 25:15 и 25:17) кој исто така беше одигран во „Спортската арена” во Камник.

Илиев со 11 поени го заслужи епитетот најефикасен кај Вардар, Шулајковски додаде шест поени, а Симовски четири.

Со овие два порази „црвено-црните“ го завршија настапот во еврокуповите за сезонава, исто како претходно Џио Струмица против Омонија од Кипар.