Фото: Giceto / Wikipedia

Тодоровиќ оди во куќен притвор, вели дека не се чувствува виновен

На ексградоначалникот на Општина Центар, Владимир Тодоровиќ вечерва, по четири часа распит, Кривичниот суд му одреди куќен притвор.

Досега се изречени ефективни мерки притвор за четворица од седумтемина осомничени за малверзации со споменици од проектот „Скопје 2014“. 30-дневен притвор им е одреден на поранешниот претседател на Советот на општина Центар, Владимир Здравев и на неговиот брат, Александар Здравев, како и на Игор Секуловски и на Љупчо Бакев.

Здравев при апсењето беше затекнат на граница, а Тодоровиќ на аеродром.

На излегување од Судот, по распитот кај судија на претходна постапка, бизнисменот и поранешен градоначалник на Центар, според „Фокус“ кусо изјавил:

„Не се чувствувам виновен“.

Судот вечерва потврди дека освен Тодоровиќ, уште еден осомничен во случајот добил куќен притвор.

„Судија на претходна постапка, по произнесување на осомничените кои беа спроведени пред судот, во присуство на нивните бранители, во однос на предлогот на ЈО за определување мерка прирвор, донесе решенија со кои на В.Т. и Т.Д. им определи мерка куќен притвор, додека на Љ.Б.,В.З.,А.З. и З.П. им определи мерка притвор, за сите во траење од 30 дена“, информираа од Судот.

Против овие решенија странките имаат право на жалба пред Кривичниот совет, потсетуваат од Кривичниот суд.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот