Селекторот на македонската кошаркарска репрезентација, Александар Тодоров и покрај поразот од Естонија на стартот од квалификациите, гледа и позитивни работи во играта на неговите избраници. Тодоров е свесен дека катастрофалната игра во првото полувреме го одлучи победникот.

– Може да се тешиме дека второто полувреме беше подобро. Едностсвно во втората четвртина бевме безјидејни, ни ја затворија пик-рол играта, погодуваа шутеви, додека кај нас не функционираше речиси ништо. Загубивме девет разлика но не гледам причина зашто да не победиме на гости со 10 поени разлика. Не игравме одбрана во прво полувреме, доколку одигравме како во вториот дел тогаш мислам дека ќе победевме. Во овој момент ние не можевме да одиграме подобра одбрана – вели Тодоров кој напомена дека Ненад Димитриевиќ нема да настапи во Русија поради повреда.