Остануваат точно 365 дена до почетокот на следното Светско првенство во фудбал што ќе се организира во САД, Канада и Мексико.

Мундијалот ќе се одржи во периодот од 11 јуни до 19 јули 2026 година во 16 градови. Вкупно 60 натпревари ќе се играат во САД, додека 10 мечеви во Канада и Мексико.

Македонската фудбалска А репрезентација засега успешно ги игра квалификациите за СП, во групата Ј по четири одиграни натпревари е моментно на првото место со осум бодови.

Овој месец ремизиравме 1:1 во Скопје против фаворитот во групата, Белгија, и во Астана на гости со 1:0 триумфиравме над Казахстан.

Се очекува во септември годинава да ја продолжиме победничката серија, дома ќе го пречекаме Лихтенштајн, а клучните мечеви во трката за учество на Мундијалот ќе се играат во октомври и ноември.

Има уште доста да се игра, да се вложи многу труд, сите посакуваме Македонија за првпат во нејзината историја да настапува и на Светско првенство. Потсетување дека за првпат ќе се организира Мундијал со 48 репрезентации.

Квалификации за Светско првенство 2026

Квалификациска група Ј

Табела:

1. Македонија 8 бодови
2. Велс 7
3. Казахстан 3
4. Белгија 1
5. Лихтенштајн 0

Следни натпревари:

4 септември 2025
16.00 часот Казахстан – Велс
20.45 часот Лихтенштајн – Белгија

7 септември 2025
18.00 часот Македонија – Лихтенштајн
20.45 часот Белгија – Казахстан

10 октомври 2025
16.00 часот Казахстан – Лихтенштајн
20.45 часот Белгија – Македонија

13 октомври 2025
20.45 часот Македонија – Казахстан
20.45 часот Велс – Белгија

15 ноември 2025
15.00 часот Казахстан – Белгија
18.00 часот Лихтенштајн – Велс

18 ноември 2025
20.45 часот Белгија – Лихтенштајн
20.45 часот Велс – Македонија