16-годишно момче од битолско денеска е уапсено откако уценувало 34-годишен битолчанец со слики кои ги намамило да му ги испрати убедувајќи го дека е жена, соопшти МВР.

„Денеска (15.05.2025) полициски службеници од криминалистичката полиција при СВР Битола во координација со Основното јавно обвинителство- Битола лишија од слобода 16-годишник од с.Бистрица, битолско, кој во повеќе наврати уценувал 34-годишен маж од Битола, заканувајќи му се дека доколку не му даде пари ќе објави експлицитни фотографии што ги добил од оштетениот откако во комуникацијата преку социјална мрежа се претставувал со лажен женски идентитет“, велат од полицијата.

Момчето е приведено во полициска станица во Битола, а парите се пронајдени кај него. По документирање на случајот, ќе следува соодветна пријава, додаваат од МВР.