Американскиот фудбалер Тимоти Веа му се приклучи на Олимпик Марсеј од Јувентус, потврдија денеска италијанскиот и францускиот клуб.

Како што беше најавено, Веа (25) пристигна во Марсеј на едногодишна позајмица, по што францускиот клуб има обврска да го откупи договорот за 14 милиони евра.

Веа пристигна во клубот од Торино од францускиот Лил во 2023 година.

Во претходните две сезони, тој одигра 78 натпревари за „старата дама“ и постигна седум гола, но со доаѓањето на Игор Тудор како тренер, го изгуби местото во почетниот состав, па затоа беше испратен на позајмица.

Син на поранешниот либериски претседател и легендарен фудбалер Жорж Веа, тој е редовен член на репрезентацијата на Соединетите Американски Држави, а досега одигра 44 натпревари за националниот тим и постигна седум гола.