Рафаел Надал повторно е елиминиран во полуфинален дуел на неговата омилена подлога, на земја.  По поразот од Фоњини во Монте Карло, овој пат на турнирот во Барселона, подобар од Шпанецот беше Доминик Тим кој славеше во два сета со 6:4,6:4.

Во првиот сет, Тим направи брејк при водство од 3:2 во гемови и без проблем ја зашува предност за одвојување на сетот.  Идентична слика беше и во вториот сет, Тим повторно направи брејк при истиот резултат, а кога сервираше за победа (5:4) успеа да спаси три брејк топки.

Противник на Тим во утрешното финале ќе му биде рускиот тенисер, Данил Медведев кој со 2:1 во сетови (6:4,3:6,7:5) го совлада Јапоницот Кеи Нишикори.