Шпанскиот фудбалски клуб Реал Мадрид ќе му понуди на белгискиот голман Тибо Куртоа (33) нов договор со цел да го задржи до 2028 година.

Куртоа има важечки договор со „Кралевите“ до 2026 година и се очекува разговорите меѓу клубот и претставниците на Белгиецот да се одржат по завршувањето на Светското клупско првенство, тврди „АС“.

Реал Мадрид сака Куртоа да остане на „Сантијаго Бернабеу“ и затоа ќе прекрши една од своите традиции – да не нуди договори подолги од една година на играчи кои наполниле 30 години.

Од таборот на голманите, исто така, изразија желба за продолжување на договорот и не се очекува да има проблеми со тоа.

Куртоа е во Мадрид од 2018 година, кога пристигна од Челси, и освои неколку трофеи со Реал, вклучувајќи две титули во Лигата на шампионите.