Освен во Еврокупот, македонски кошаркарски репрезентативец Ти Џеј Шортс продолжува со одличните настапи сезонава и во францускиот шампионат.

Во седмото коло од тамошното првенство Париз Баскет изненадувачки на домашен терен загуби од Ле Портел со 86:90.

Нашиот плејмејкер беше втор стрелец во својата екипа со 20 поени, три скокови и седум асистенции за скоро 28 минути игра на паркетот. Поефикасен од неговите тимски колеги беше само Алжирецот Надир Хифи кој имаше 23 поени.

Тоа е втор пораз за Париз Баскет за моментно трето место во генералниот пласман, зад Монако и ЈЛ Бург кој имаат по еден меч помалку, додека Ле Портел се наоѓа на 16 позиција по вториот триумф во низа.

Во следното коло тимот на Ти Џеј Шортс на 21 октомври ќе му гостува на Нантер.