Денеска кошаркарите на Париз ја совладаа екипата на Монако и поведоа со 2:0 во финалната серија на францускиот шампионат.

Овојпат Париз славеше со убедливи 92:76 најмногу благодарение на македонскиот репрезентативец Ти Џеј Шортс кој запиша 28 поени, три скокови и пет асистенции.

На спротивната страна најефикасен беше Мамаду Жаите со 14 поени и седум скокови.

Кај Монако не настапија двајцата најдобри играчи, суспендираниот Мајк Џејмс и повредениот Даниел Тајс.

Париз е на чекор до титулата, потребна му е уште една победа, а првата „меч топка“ ќе ја има на 20 јуни на гостински терен.