Eкипата на МЗТ Скопје го претрпе и третиот пораз во низа во Првата македонска лига откако на гости кај ТФТ во рамките од 9. коло беа поразени со 75:70.

Домаќините одиграа одлична прва четвртина која ја добија со 24:16 и во продолжение го контролираа резултатот до самиот финиш.

Шампионот се обидуваше, но не успеа да пронајде решение за одличната игра на мотивираните кошаркари на ТФТ, посебно во одбраната.

Говенс со 24 поени беше најефикасен во редовите на ТФТ, Гафни додаде 14, додека Николов ја заврши средбата со 13, Војдан Стојановски на спротивната страна постигна исто толку.

На останатите средби Гостивар беше подобар од Шкупи со 79:65, Кожуф 86:73 славеше над Феникс, додека Куманово ма свој терем се израдува на победа против Работнички со 85:83.