Лоши вести за Голден Стејт Вориорс, Стеф Кари ќе ги пропушти најмалку следните три натпревари од полуфиналната серија на Западната конференција против Минесота Тимбервулвс, поради повреда на задната ложа на левата нога.

Кари се повреди во првиот меч кој се одигра во Сан Франциско, каде Вориорси славеа со 99:88 и поведоа со 1:0 во серијата на четири добиени натпревари. Тој го напушти теренот среде втората четвртина, по само 13 минути игра, во кои веќе постигна 13 поени и значајно придонесе во градењето на предноста на својот тим.

„Секоја година плејофот носи нови предизвици, било да е тоа повреда, промена на тактика или ротација. Знаеме како да се адаптираме, го имаме правено ова и порано и веруваме дека можеме повторно“, изјави тренерот Стив Кер по натпреварот.

Првичните прогнози велат дека Кари би можел да се врати на терен за петтиот натпревар кој е закажан за 14 мај во Минеаполис. Сепак, пореално сценарио е негов камбек во евентуалниот шести натпревар кој ќе се игра на 18 мај во Сан Франциско.

Кари оваа сезона има просек од 24.5 поени и 6 асистенции по натпрева  и неговото отсуство ќе биде голем удар за шампионските амбиции на Вориорс во периодот кога се бори за пласман во конференциското финале.