Поранешниот соиграч на Лионел Меси од дресот на репрезентацијата на Аргентина, Карлос Тевез изнесе критики на сметка на Пари Сен Жермен поради односот на овој клуб кон аргентинската ѕвезда.

Меси првично беше суспендиран од ПСЖ поради заминувањето во Саудиска Арабија кое не го најави во клубот. Таа суспензија кон Меси веќе помина и би требало да биде во првиот состав за утрешниот натпревар во Лига 1 според најавите на тренерот Галтие.

Сепак, Тевез порача дека ПСЖ не смее да има таков однос кон играч како Меси.

„ПСЖ не смее да ги третира така своите играчи, посебно не Меси. Против Меси сум играл неколку пати во кариерата и на сите ни држеше лекции на теренот. Ако на мене како светски шампион ми баравте да се извинам што во својот слободен ден сум отпатувал негде, веднаш би заминал за Росарио и би останал таму, ќе пиев пиво додека чекам клубот да ми се извини. Меси го става клубот над се и поради тоа треба да му се поклониме“, изјави Тевез.

Teвез во кариерата настапуваше за Коринтијас, Вест Хем, Манчестер Јунајтед, Манчестер Сити, Јувентус, Шангај Шенуоха и Бока Јуниорс каде што ја почна и заврши кариерата.

?️ Carlos Tévez on Leo Messi’s fall-out with PSG:

“PSG can’t treat a player like him that way. I played against PSG when I was at Manchester United and they were mid-table. I think Lionel Messi gave us all a lesson in football. humility with his message of apology. Because if… pic.twitter.com/US5QRP9Qef

— Football Tweet ⚽ (@Football__Tweet) May 12, 2023