Уште еден инцидент со прегазен пешак се случил вчеравечер во Тетово – жена-возач удрила во 18-годишна девојка, по што избегала од местото, соопшти МВР.

„На 11.03.2025 во 18.50 часот во СВР Тетово било пријавено дека на крстосница од ул.„Борис Кидрич“ со ул.„Благоја Тоска“ во Тетово, патничко возило, управувано од женско лице, удрило во А.З.(18) од Тетово и го напуштило местото на настанот. Во несреќата, А.З. се здобила со телесни повреди, констатирани во Клиничка болница Тетово. Се преземаат мерки за расчистување на случајот“, велат од полицијата.