ТЕШКИ ДЕНОВИ НА „ЕТИХАД“: Сити исфрлен од Лигата на шампионите на две години!
Екипата на Пеп Гвардиола е сурово казнета за кршење на финансискиот фер-плеј…
Шок и неверување на „Етихад“, Манчестер сити е исфрлен од Лигата на шампионите во наредните две години поради грубо кршење на финансискиот фер-плеј.
Препорачано
Европската фудбалска куќа после одлуката на Дисциплинската комисија објави соопштение на сајтот, во кое се вели дека Манчестер сити доставуваше лажни податоци во периодот од 2012-2016 година во кои во своите приходи вклучуваше и пари од спонзори кои сè уште не биле собрани.
BREAKING: Man City handed two-year ban from Champions League and €30m fine over Financial Fair Play breaches. pic.twitter.com/aZuByNaiwR
— Standard Sport (@standardsport) February 14, 2020
Покрај тоа, Сити е обвинет и за избегнување соработка со истражните тела на УЕФА, што е особено отежнувачка околност. На крајот, беше решено дека Манчестер Сити нема да може да игра во УЕФА натпреварувањата во сезоните 2020/21 и 2021/22.
На граѓаните им остана можноста да се жалат на одлуката до Судот за спортска арбитража во Лозана (ЦАС), а од УЕФА порачаа дека доколку Сити се одлучи на таков потег, Нион нема да ја коментира понатаму ваквата „пресуда“.
Тешки денови го очекуваат Сити, а сега уште повеќе ќе се говори и за статусот на Пеп Гвардиола кој во изминатиот период се поврзуваше со заминување од „Етихад“.
