Тешка сообраќајна несреќа, во која се повредени петмина луѓе се случила вечерва во близина на селото Мартолци, кое се наоѓа меѓу Богомила и Чашка, соопшти полицијата.

„Во 19:15 часот во СВР Велес била пријавена сообраќајка, која вечерва се случи кај село Мартолци во Општина Чашка. Во сообраќајката има петмина повредени, возачите на двете возила и тројца сопатници од возилото „Пежо“. Во несреќата учествувале возило „Матиз“ со охридски таблички, управувано од 29-годишниот Н.К. од Чашка и возило „Пежо“, управувано од Н.Д. од село Богомила“, информира Ристе Самарџиев, портпарол на СВР Велес.

Повредените се префрлени во возило на Брза помош за укажување на лекарска помош. Од Брзата помош за МИА информираат дека нивната медицинска екипа се уште не е вратена од терен.

МВР