Teн Хаг нема да жали премногу за отказот: Ангажманот во Леверкузен го наплатил 100.000 евра дневно
Кога Ерик тен Хаг во мај ја презеде клупата на Баер Леверкузен, многумина веруваа дека холандскиот стратег може да најде идеален ангажман, по лошиот период во Манчстер јунајтед. Тен Хаг го наследи Чаби Алонсо кој кариерата ја продолжи во Реал Мадрид, меѓутоа многу брзо доби отказ.
Препорачано
На клупата на германскиот гигант, Холанѓанецот помина само 62 дена. По само два одиграни натпревари во Бундеслигата (пораз од Хофенхајм и реми со Вердер Бремен), челниците на Леверкузен му врачија отказ. Единствената победа Тен Хаг ја забележа во Купот, против нисколигашот Соненхоф Гросашпах. Слабите резултати, недоволно убедлива игра и лошата атмосфера го принудија клубот на брза реакција.
Меѓутоа, според германски „Билд“, Тен Хаг и нема да жали премногу бидејќи за предвремениот раскин на договорот добил шест милиони евра, кога ќе се додаде дека тој на клупата помина само 62 дена значи дека во бундеслигашот престојувал за сума од 100.000 евра дневно.
Засега нема најави која би можела да биде неговата следна дестинација.
🚨🚨| Erik ten Hag and his staff have made €28.1M in only 10 months from getting sacked by Manchester United and Bayer Leverkusen. 🤑💸 pic.twitter.com/DQ7D9oQ7WD
— Goals Side (@goalsside) September 2, 2025
