Според Tајм, тешките метали може да се детектираат во многу различни видови храна, а ограниченото тестирање и недостатокот на регулаторно означување ги оставаат потрошувачите во темнина, објави Пословни хр.

Откако тестовите открија штетни нивоа на тешки метали, Консумер Рипортс повика четитри американски производители на чоколада да се посветат на намалување на количеството на опасни елементи, особено олово и кадмиум, во нивните производи од темно чоколадо до Денот на вљубените. Во писмата до Херши, Монделез Интернешнл, Tео Чоколит и Tрејдерс Џо, Консумер Рипортс, вели дека долготрајната изложеност на металите може да резултира со проблеми со нервниот систем, потиснување на имунолошкиот систем и оштетување на бубрезите, пренесува Ројтерс. Тие нагласуваат дека опасноста се зголемува за трудниците и малите деца поради зголемените ризици од развојни проблеми.

Писмата што Конзумер Рипортс ги испрати до четирите компании беа придружени со речиси 55.000 потписи на петиции, пренесува Ројтерс. Минатиот месец, КР објави дека дури 23 од 28 тестирани црни чоколади имале потенцијално штетни нивоа на олово, кадмиум (или и двете) за луѓето кои јадат повеќе од една унца (28 грама) чоколадо дневно. Иако тие се природно присутни во животната средина, загадувањето со тешки метали е последица на човековата активност. Четирите именувани компании не одговорија на барањата за коментар.

Националното здружение на слаткари во САД остро коментираше дека здравствените упатства во Калифорнија што ги користи КР, за кои смета дека обезбедуваат најголема достапна заштита, „не се стандарди за безбедност на храната“ и дека чоколадото е безбедно за јадење. Потрошувачите го тужеа Трејдерс Џо, најмалку девет пати поради темно чоколадо откако КОР ја објави својата студија.

Херши и Монделез исто така беа тужени поради откритијата на списанието, како и другите производители на чоколади, вклучувајќи ги Годива и Линдт. Сепак, експертите велат дека извештајот е само мал прозорец кон многу поголем проблем. Според Tајм, тешките метали може да се детектираат во многу различни видови храна, а ограниченото тестирање и недостатокот на регулаторно означување ги оставаат потрошувачите во темнина.