Во време на развој на новите технологии хибридните војни стапуваат на сила. Чекаме одоговор од надлежните за безбедносните протоколи за да дознаеме што навистина се случи таа вечер (нападот на ДИК и Time.mk). Консултиравме повеќе извори и она што е познато е дека имавме хакерски напад којшто многу веројатно е добро организиран од некои центри на моќ кои подолго време го подготвувале ова, изјави во „Утрински брифинг“ на „Слободна ТВ“ Александра Теменугова, Институт за комуникациски студии.

-Од оваа ситуација може да извлечеме неколку поенти. Првата е дека ДИК многу лошо реагираше во ваква кризна ситуација, односно не постапи според оние правила кои важат за менаџирање на ваква ситуација – односно јавноста остана без информации што се случи. Второто е што правеа тогаш, а и претходно останатите органи кои се занимаваат со безбедноста, вклучувајќи го најсензитивниот период – изборите, вели Теменугова и додава дека се уште нема одговор што откриле нивните служби.

-Она што нам ни е потребно во овие моменти е да извлечеме поука како да реагираме во ситуации како минатата недела. Сајбер нападите се во подем и за евтини пари може да се изврши ваков напад, вели Теменугова.

Препораките се дека Владите треба да инвестираат во опрема и во човечки ресурси кои би се справувале со ваквите напади, додаде Теменугова.