Земји-членки на НАТО разговарале за распоредување на трупи на Гренланд како одговор на заканата на претседателот на САД, Доналд Трамп дела ќе ја употреби американската армија за заземање на данскиот остров, објави британскиот весник Телеграф, повикувајќи се на неименувани извори.

На неформалните разговори „што би направиле НАТО трупите“ ако Трамп ја реализира заканата учествувале десетина европски сојузници. Се разгледувало и дали постои можност за повикување на член 5, клаузула за меѓусебна одбрана во случај на американска инвазија на друга земја-членка на НАТО.

За Трамп одлуката на Копенхаген да не се откажува од Гренланд е „непријателски чин“, додека Русија и Кина се залагаат за интензивирање на нивното присуство на островот.

Телеграф наведува дека учеството на Германија во тајните разговори предизвикало критики од одредени земји-членки на Алијансата, пред сè од приврзаниците на Украина. Неименуван дипломат истакна дека нивниот револт е поради тоа што германскиот канцелар Олаф Шолц одбил да го разгледа предлогот за испраќање на трупи во Украина, но отворено ја лансира идејата за испраќање на трупи на НАТО на Гренланд.

– Тоа е морален компас без игла, посочи неименуваниот дипломат за Телеграф.