Eден од најголемите француски клубови, Бордо, го загуби статусот на професионален клуб поради финансиските проблеми за кои не успеа да пронајде решение.

Статусот на професионален клуб Бордо го имаше од 1937 година, а сега мораше и да го затвори тренинг-кампот во кој престојуваа околу 70 деца.

Раководството на клубот не успеа да пронајде решение за долговите кои изнесуваа 40 милиони евра, а 25 беа побарувања на поранешни фудбалери, тренери и членови на стручниот штаб.

Поради губењето на професионалниот статус, фудбалерите сега ќе бидат слободни во пронаоѓањето нов ангажман без клубот да добие некаква оштета. Во минатото дресот на Бордо го носеа многу големи фудбалски имиња меѓу кои и славниот Зинедин Зидан.