Таткото на познатата американска актерка Линдзи Лохан, Мајкл Лохан (64), е осуден на девет месеци затвор поради кршење на условната казна. Поранешниот брокер од Волстрит беше обвинет за примање мито во замена за упатување пациенти на лекување од зависности.

Според обвинението, Лохан примил најмалку 25.000 долари за тоа што ги насочувал зависниците кон центар за рехабилитација на Флорида, а меѓу нив била и жена со која, наводно, во тоа време имал интимна врска.

Уште во 2022 година, судот го прогласи за виновен за посредување со пациенти, поради што доби условна казна од четири години. Меѓутоа, во февруари оваа година ја прекршил условната казна кога беше уапсен поради наводен напад врз својата сопруга, новинарката Кејт Мејџор (42), со која веќе некое време не живеел.

Мејџор, која со Лохан ги има синовите Лендoн и Логан, ја повикала полицијата откако сопругот ја следел на лекарски преглед. Според полицискиот извештај за „Пејџ сикс“, таа била пронајдена со модринки што ги добила неколку дена претходно, откако Лохан, наводно, ја фрлил од стол.