Делегација од Алијансата за Албанците, предводена од претседателот Арбен Таравари, кој истовремено ја извршува функцијата министер за здравство, и заменик-премиерот Арбен Фетаи, кој е и секретар за меѓународни односи во АА, оствари посета на Албанија.

За време на посетата, делегацијата имаше средба со претседателот на Република Албанија, Бајрам Бегај, соопшти кабинетот на Таравари.

„Денес, заедно со заменик-премиерот Арбен Фетаи и делегација од АА, имав задоволство да се сретнам со претседателот на Република Албанија, Н.Е. Бајрам Бегај, во братска и соработлива атмосфера. Му честитавме на претседателот за отворањето на преговорите на Албанија за членство во ЕУ и ја изразивме нашата желба нашите патишта што побрзо да се обединат во овој витален процес за нашите земји и народи“, пишува во соопштението.