Тајната служба на САД застрела вооружен човек утринава во близина на Белата Куќа. Информацијата ја соопшти самата тајна служба. Претседателот Доналд Трамп не бил таму утринава. Според шефот за комуникации на тајната служба на САД Антони Гуглиелми, тие добиле информација за „суицидален човек“ што патувал за Вашингтон од Индијана.

Гуглиелми вели дека членовите на тајната служба забележале човек што се совпаѓа со описот во близина на Белата Куќа и го пронашле неговиот паркиран автомобил.

-Агентот се приближи, но човекот извади огнено оружје и вооружена конфронтација следуваше, испукани беа истрели од страна на нашиот персонал, вели Гуглиелми.

Лицето е пренесено во болница и во каква состојба се наоѓа не е познато.

Припадниците на тајната служба не се повредени.