Стареењето е нешто што ни се случува на сите нас, ако имаме среќа. Сепак, многу луѓе се обидуваат да го забават овој процес на различни начини за да живеат што е можно подолго. Д-р Кунал Суд вели дека постои одреден дел од телото што може да покаже колку долго ќе живеете.

Д-р Суд сподели видео на Тикток за важноста на силата на нозете како што старееме.

„Колку ви се посилни бутовите, колку ви се посилни квадрицепсите, толку подолго ќе живеете“, вели експертот во објавеното видео.

„Тајната за долг живот би можела да биде во вашите бутови; неодамнешните студии покажуваат дека силата на скелетните мускули, особено на квадрицепсите, е силен показател за целокупното здравје и долговечноста“, објасни д-р Суд.

„Кај пациентите со коронарна артериска болест, посилните квадрицепси се поврзани со значително помал ризик од смртност од сите причини и помал ризик од смртност од кардиоваскуларни болести. Но, не се работи само за пациентите со КАБ; истражувањето покажува дека поголемата јачина на горниот и долниот дел од телото може да го намали ризикот од смрт кај општата популација, без оглед на возраста“, открива експертот кој работел на студијата.

„Запомнете, денот за тренинг на нозете не е само фитнес; зајакнувањето на нозете со вежби како што се клекнувања, исчекорувања и тренинг со отпор всушност може да ви помогнат да живеете подолго“, истакна тој.

„Корелацијата не е еднаква на причинско-последичната врска, но има смисла затоа што ако некој има силни мускули на нозете, поверојатно е дека ќе води и генерално здрав начин на живот. Поентата е да се осигурате тоа да стане дел од вашата рутина. Иако мускулната сила генерално е одлична за целокупното здравје, силата на вашите нозе може да биде поважна отколку што мислите“, предупреди Суд.

Британската национална здравствена служба (NHS) истакна дека вежбањето за сила може да го подобри здравјето и мобилноста.