„Тајната ќерка“ на фронтменот на „Квин“, Фреди Меркјури, даде емотивна изјава пред објавувањето на книга за нивната врска. Во неа, жената позната како Б вели:

„Не сакав да го споделам татко ми со целиот свет. По неговата смрт, морав да научам да живеам со нападите врз него, лажните претставувања за него и чувството дека татко ми сега им припаѓа на сите. Плачев и тагував за него, додека обожавателите ширум светот го оплакуваа Фреди. Кога имаш 15 години, не е лесно“, изјави таа пренесува „Дејли Мејл“.

„Морав да пораснам без него и да ги доживеам сите важни моменти и настани без негова поддршка. Триесет години го градев мојот живот и семејство без него и морав да прифатам дека тој нема да биде таму за да споделува среќни моменти со нас. Триесет години, додека остатокот од светот го реинтерпретираше животот на Меркјури, неговата музика и сè што беше тој, сакав да го задржам татко ми за себе и за моето семејство. Како можев да проговорам порано?“

Б ја даде изјавата денес откако се дозна дека поранешната љубовница и блиска пријателка на Меркјури, Мери Остин, наводно тврдела дека немала поим дека Б постои, објавува „Дејли Меил“.

Остин, која наследила голем дел од богатството на Меркјури, наводно ја довело во прашање приказната на Б во интервју за неделен весник. Книгата што ја раскажува нејзината приказна, „Со љубов, Фреди“, треба да излезе во септември.

Б рече: „Скршена сум од наводниот одговор на Мери Остин. Триесет и четири години, вистината за животот на Фреди е извртувана, искривена и препишана, а таа не кажа ништо – освен нејзиниот коментар за филмот „Боемска рапсодија“, кој го нарече „уметничка слобода“. А сега, иако не ја прочитала книгата, наводно дава таква изјава. Не разбирам зошто.“

Книгата е за дете зачнато случајно за време на кратка авантура со сопругата на близок пријател во 1976 година, една година откако „Боемска рапсодија“ стана хит. Откритието ги шокираше милиони обожаватели на пејачот, кои го сакаа и го прифаќаа како геј со години. Неговиот последен партнер, покојниот Џим Хатон, беше еден од оние што пишуваа книги за нивните искуства со него.

Иако легендарен шоумен познат по својата раскош, духовитост и вокален опсег од четири октави, Фреди имал и неколку сериозни врски со жени. Меѓу нив била и Мери Остин, која ја запознал кога таа имала 19, а тој 23 години, долго пред да стане светска ѕвезда. Тие живееле заедно и биле свршени пред Фреди да открие дека е геј.

Никогаш немале деца, иако Мери подоцна родила два сина со друг партнер, и останала блиска со Фреди до крајот на неговиот живот.

Неговиот однос со друга жена, мајката на неговото дете, останал строго чувана тајна.

Првото поглавје од книгата содржи рачно напишано писмо од ќерката на Фреди, кое гласи:

„Фреди Меркјури беше и останува мој татко. Имавме многу блиска и љубовна врска од моментот кога се родив до последните 15 години од неговиот живот. Тој ме обожаваше и ми беше посветен. Околностите на моето раѓање може да изгледаат необични, дури и шокантни, според повеќето стандарди. Тоа не треба да биде изненадување. Тоа никогаш не ја намалило неговата посветеност да ме сака и да се грижи за мене. Тој ме чувал како свое најскапоцено богатство.“

Авторката на книгата, Лесли-Ан Џонс, нагласува дека приказната е раскажана целосно со гласот на Б и е заснована на збирка од 17 рачно напишани дневници што Фреди ѝ ги дал три недели пред неговата смрт.

Б објаснува дека самата контактирала со авторката:

„И покрај критиките што сигурно ќе се зголемат со вниманието на медиумите, документарецот и претстојното објавување на книгата, сакам да кажам дека самата ја донесов одлуката да ја контактирам Лесли-Ан Џонс. Причините и околностите се објаснети во книгата и јас ја одобрувам книгата. Некои ме обвинуваат дека ја измислив приказната. Сакам да бидам јасна – тоа не е вистина. Откако го прочитав првиот нацрт, таа ја почитуваше мојата желба да отстрани делови од книгата што не сакав да бидат објавени. Таа секогаш ги почитуваше моите барања и сакаше да бидам целосно задоволена. Никогаш не ме користеше. Јавноста треба да знае дека не можев да најдам повнимателен, потрпелив и погрижлив писател.“