Тана Рeмзи, сопругата на познатиот готвач Гордон Ремзи, вели дека се чувствува виновна откако доживеа спонтан абортус во 20. недела од бременоста во 2016 година.

Три години подоцна, тие го добија синот Оскар (5), кој, како што пренесува „Мирор“, често прашува за својот брат „кој е во рајот“.

„Сè уште чувствувам голема вина. Дали требаше да знам нешто? Дали требаше да направам нешто поинаку? Тоа е една од оние нешта со кои понекогаш си целосно помирен и можеш да ги оправдаш, а понекогаш си преуморен и се чувствуваш многу емотивно. Тоа секогаш ќе биде нешто што нема да го преболам“, објасни таа.

Инаку, Тана и Гордон имаат шест деца – Меган (26), близнаците Холи и Џек (24), Тили (22), Оскар (5) и 18-месечниот Џеси. Роки, како што го нарекувале починатиот син, имал силно срцебиење за кое бил премногу мал да го преживее.

„Едно од најтешките времиња беше откако го родив Оскар. Тој имаше околку три недели, а јас се чувствував толку емотивно затоа што мислев дека не се чувствувам доволно тажно поради Роки бидејќи бев возбудена за новото бебе“, откри таа.

Минатата година, славниот готвач откри дека губењето на Роки било тешко, но дека болката го зближила неговото семејство.