Нов значаен успех за македонското таеквондо на меѓународната сцена донесе Ведрана Тунески овојпат на силниот „Астерикс Куп“ во Ниш, Србија.

На овој турнир настапија 1500 натпреварувачи од Австрија, Босна и Херцеговина, Бугарија, Чешка, Велика Британија, Грција, Унгарија, Молдавија, Македонија, Малта, Црна Гора, Романија, Србија, Словачка и Украина.

Тунески во својата категорија оствари четири победи со доминација, две остварени со технички нокаут.

Нашата таеквондистка успеа да совлада три противнички од Бугарија и една од Србија.

Ова е продолжување на успесите на Тунески годинава, претходно се закити со сребро на „Софија Рамус Опен 2023“ во Бугарија, како и злато на „Феникс Ниш Опен“ каде беше прогласена за најдобар пионер.