Триесет и четиригодишната Анџелик Ангар-Филопон од Мартиник е победничката на изборот за Мис на Франција, со што стана најстарата натпреварувачка која победила во оваа земја.

Таа победи во саботата, откако со промената на правилото им беше дозволено на жените постари од 24 години, како и на оние кои се во брак или мајки, да се натпреваруваат на изборот за Мис, пренесува „Она“.

Ангар-Филопон е стјуардеса од францускиот карипски остров Мартиник, а во 2011 година била избрана за прва придружничка на изборот за Мис Мартиник кога имала 20 години.

Во финалето на Мис на Франција, учествуваа 30 кандидатки, а меѓу натпреварувачките имало лекари и стоматолози.