Фото: Мосул по владеењето на Исламска држава / EPA-EFE/AMMAR SALIH

Сведочења на жртвите на Исламска држава по убиството на ал-Багдади: „Ова не е крај!“

За Георгес Салинес, чија 18-годишна ќерка Лола беше убена за време на нападите во Париз во 2015 година, смртта на човекот кој беше инспирација за нив е само делумно задоволство, објави „Б92“.

Сепак, како и другите жртви и нивните семејства, тој посочува дека смртта на Абу Бакр ал-Багдади не значи дека борбата против тероризмот е завршена.

– Ќе беше подобро тој да беше фатен жив и да му се судеше – рече Салинес за „АП“.

Артур Дениво, преживеан од нападите на салата Батаклан и претседател на здружението на жртвите, рече за француски „Ле Паризиен“ дека жртвите не сакаат освета, туку правда.

– Смртта на ал-Багдади симболилно е голем удар за милитантната група Исламска дражва – вели тој.

Фото: EPA-EFE/BENOIT TESSIER

Родителите на Стивен Сотлоф, американско-израелски новинар кој го убија милитантите на ИД, му се заблагодарија на претседателот на САД, Доналд Трамп и на американската војска за успешната операција која довела до смрт на водичот на милитантната група.

– Иако тоа не може да го врати нашиот сакан син, ова е значаен чекор во борбата против ИД – велат за „АП“.

Жителите на Сирија и Ирак, кои се меѓу главните жртви на организацијата на Багдади, изразија олеснување по смртта на човекот кој раководеше со самопрогласениот „калифат“.

Во ирачкиот град Мосул, кој се уште е рушевини откако пред две години беше ослободен од ИД, смртта на Багдади не ја сметаат за крај на целата приказна.

– Неговата смрт е само дел од гревот кој го изврши врз жртвите кои ги загубија животите на подрачјето на Стариот град и чии тела до ден денес се под рушевините. Се е поради него и неговата организација – рече Мудир Абдул Квадир, жител на Мосул.

Надија Мурад, која е Јазид (етнорелигиска група на Курди), беше меѓу киднапираните и заробените од Исламска држава. Таа сега ја поздрави веста за неговата смрт.

– Ал-Багдади умре уште додека беше жив. Тој е кукавица кој ги користи децата како сопствени штит. Денес нека биде почеток на глобалната борба за изведување на милитантите на ИД пред лицето на правдата – напиша таа на Твитер.

Мурад, која ја доби Нобеловата награда за својот активизам против геноцидот и сексуалното насилство, повика сите оние припадници на ИД кои се заробени живи да бидат изведени пред „отворен суд кој светот ќе може да го види“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот