Eкипата на Алкалоид одигра уште еден одличен натпревар во 6. коло од машката ракометна Суперлига, додека дербито покрај езерото му припадна на Охрид.

Избраниците на Кире Лазаров со 39:25 беа подобри од Вардар Неготино. Гостите од Скопје од самиот почеток на теренот ја преземаа иницијативата и како што одминуваше натпреварот само ја зголемуваа разликата во своја корист.

На полувремето водеа со резултат 16:8. Се играше брзо и модерно, па затоа на крајот беа постигнати и 39 гола во мрежата на домаќините.

Вториот натпревар во Суперлигата беше Езерското дерби помеѓу Струга и Охрид, а на крајот Охриѓани славеа со 22:24. Домаќините го контролираа резултатот се до последните пет минути, за потоа Охрид да се разигра и да дојде до важна победа.