Сара Павловска е млада девојка која по професија е сметководител, а во слободното време сака да ја изразува својата креативност со експериментирање во кујната.

Вкусните рецепти на Сара можете да ги прочитате на нејзиниот инстаграм-профил @spavlovskaaa кој, патем, е вистинско визуелно уживање.

Овојпат, Сара ни споделува предлог кремаст десерт за сите оние кои го сакаат вкусот на лимонот, а истовремено се и вегани.

Потребни состојки:

За тестото
– 80 грама овес
– 150 грама микс од бадеми и лешници
– Една лажичка мед
– Три лажици кокосово масло

За филот
– 150 грама индиски ореви
– Половина лажичка сок од лимон
– 120 грама крем од кокос
– Малку кора од лимон
– Малку сол
– Една лажичка мед

Подготовка:

Ставете ги индиските ореви во сад и прелијте ги со врела вода. Во меѓувреме, загрејте ја рерната на 180 степени.

Ставете ги овесот, бадемите и лешниците во блендер и мешајте додека не добиете убава смеса. Префрлете ја добиената смеса во сад за матење и додајте ги кокосовото масло и медот. Ако ви е сува смесата, додајте уште малку кососово масло или мед. Префрлете ја смесата во сад за печење и рамномерно распоредете ја.

Додека тестото се пече, исушете ги индиските ореви и ставете ги во блендер со кремот од кокос, сокот од лимон, солта и медот. Мешајте додека не добиете кремаста текстура.

Прелијте го добиениот фил врз претходно испеченото тесто и премачкајте го во рамномерен слој. Оставете го да отстои десет минути и потоа префрлете го во фрижидер да се олади најмалку четири часа или, најдобро, да отстои во фрижидер преку ноќ.

На здравје!

 

View this post on Instagram

 

A post shared by Sara’s foodgram ? (@spavlovskaaa)

Сара Павловска со идеја за здрав десерт: Какао бомбици со урми