Нови суперлигашки бодови за ракометарите на Алкалоид предводени од тренерот Кирил Лазаров откако со 28:29 славеа кај РК Охрид во салата „Билјанини Извори“. Охриѓани се покажаа како доста цврст и незгоден противник за тимот кој претендира за висок пласман оваа натпреварувачка сезона.

Иако гостите имаа неколку пати два голови разлиkа, ниту една од екипите немаше предност по првото полувреме (16:16). Играчите на Лазаров одиграа многу подобро во вториот дел, стекнаа позитива од „плус шест“ (24:18).

Алкалоид до крајот на мечот не го испушти водството, иако домаќините се погрижија на крајот да го ублажат поразот до „минус еден“.

Македонскиот репрезентативец Мартин Серафимов постигна 12 голови во победничките редови, а на спротивната страна репрезентативецот на Турција Халил Озтурк девет пати се запиша во листата на стрелците.

На табелата во групата „А“ Алкалоид е на второто место со 27 бодови, три помалку од водечкиот Вардар 1961, додека Охрид е на третата позиција со 18 бодови.