Манчестер сити во февруари годинава доби двегодишна суспензија од страна на УЕФА со забрана за настап во нејзините натпреварувања поради прекршување на правилата за финансискиот фер-плеј.

УЕФА утврди дека парите со сопствените фондови во износ од 204 милиони фунти, сопствениците на Манчестер сити ги прикажале како спонзорски доприноси.

Манчестер сити се жалеше во ЦАС кој неодамна на укина суспензијата, но тогаш не ги образложи причините за својата одлука. Сега ЦАС открива дека главната причина за таквата одлука е немање цврсти докази за финансиски малверзации на „граѓаните“. Покрај тоа Судот во Лозана додава дека исплатите на спонзорот се застарени според правилата на УЕФА.
ЦАС исто така и порача на УЕФА дека не го претставила добро целиот случај.