Основниот суд во Скопје извести дека го одбил барањето на поранешниот директорот на УБК Сашо Мијалков да му биде вратен пасошот поради лекување во странство.

Исто така од судот известија дека го одбиле и неговото барање за укинување на мерката за претпазливост.

„Кривичниот совет при Основниот кривичен суд –  Скопје по добивање на целокупната документација поврзана со барањето  согласно Законските одредби се обрати до надлежното обвинителство од  каде е добиено негативно мислење во однос на барањето. Советот на одржана седница по разгледување и ценење на барањето и мислењето на надлежното обвинителство донесе решение со кое барањето го одби како неосновано. Против ова решение странките имаат право на жалба до Апелациониот суд во рок од 3 дена“, соопштија од судот.