Контроверзите продолжуваат по драматичниот пресврт на фудбалерите на Реал Мадрид против Алмерија (3:2) во неделата попладне.

Судиската комисија во Шпанија пријави две грешки на судијата Ернандес Ернандес, кој беше задолжен за ВАР системот за време на овој натпревар.

Главниот судија Франциско Хосе Ернандез Маесо смени три од одлуките што ги донел на теренот, откако неговиот видео асистент го советувал да ги прегледа ситуациите од пенал во корист на Реал, прекршок при третиот гол на Алмерија по кој беше поништен, и погодокот на Винисиус Жуниор.

? AUDIO REVISIÓN VAR

?️ Jornada 21 | Real Madrid – Almería

‼ Así fue la revisión ENTERA del VAR tras el gol de Vinicius con una supuesta mano

? "Mano no hay. Falta en ataque no hay. Y la mano, Fran, le da en el hombro, ¿vale? "

? Lo vemos en https://t.co/OGW0AKAWMl pic.twitter.com/uoXI03CHOg

— Jijantes FC (@JijantesFC) January 23, 2024

Според „Кадена СЕР“, судиската комисија, откако ја преслуша веќе објавената аудио снимка од комуникацијата меѓу двајцата судии, смета дека Ернандес Ернандес направил две грешки.

Првата е тоа што во пенал ситуацијата, судијата на ВАР се фокусираше само на играњето со рака на Бразилецот Каики, што беше неспорно, но не го сврте вниманието на судијата дека треба да се разгледа целата ситуација и Ернандез Маесо да процени дали има какви било прекршувања на Антонио Рудигер и Хоселу.

⚽ "Al final va a acabar sobrando el árbitro": Manu Carreño se moja sobre el mal uso que se le da al VAR en España y lanza una propuesta https://t.co/UijML9E1hU

— Cadena SER (@La_SER) January 23, 2024

Втората грешка е тоа што при ударот на Винисиус, кој судијата го одби на теренот поради потенцијално играње со рака, Ернандес Ернандес се вмеша и го повика Маесо на мониторот, кога немаше доволно прецизни снимки за да докаже дека напаѓачот игра со рамо, а не со раката. Или, кажано поинаку, во оваа ситуација нема докази дека главниот судија згрешил. Поради оваа причина, ВАР воопшто не требаше да интервенира.