Тешка сообраќајна несреќа се случила вчера на локалниот пат кон скопското село Љуботен. Во несреќата учестувале патничко возило „форд“ со скопски регистарски ознаки, управувано од шеесет и едногодишниот Х.Е., од Љуботен, патничко возило „ауди“ со скопски регистарски ознаки управувано од педесет и четиригодишниот Е.М. од скопското село Ласкарци, и патничко возило „фолксваген голф“ со скопски регистарски ознаки управувано од деветнаесетгодишниот Х.И. од Љуботен.

Во несреќата, како што информираа од МВР, со тешки телесни повреди се здобила сопатничката од возилото „фолксваген голф“ Џ.М. (55) од Љуботен, а тешко биле повредени и тројцата возачи и осумтемина сопатници од возилата „форд“ и „фолксваген голф“, од кои тројца се малолетни, според констатацијата во Комплексот клиники „Мајка Тереза“ и во Градската општа болница „Св. Наум Охридски“.

Увидна екипа од СВР Скопје извршила увид на местото на настанот.