Во судир на мопед и електричен тротинет на улицата „Беласица“ во Скопје, тешко се повредени 33-годишен и 64-годишен жител на главниот град, соопшти полицијата.

„На 28.04.2025 во 14:20 часот во СВР Скопје било пријавено дека на ул.„Беласица“ во Скопје се случила сообраќајна несреќа помеѓу електричен тротинет, управуван од А.С.(64) и мопед со скопски регистарски ознаки, управуван од В.П.(33), двајцата од Скопје. Во несреќата со тешки телесни повреди се здобиле двајцата возачи, констатирани во Градската општа болница „Св.Наум Охридски“ и Комплексот клиники „Мајка Тереза“. Извршен бил увид од екипа од СВР Скопје“, велат од МВР.