Судијата го предупреди Диди: „Ќе те избркам, ова е неприфатливо!“
Судењето на музичкиот магнат Шон „Диди“ Комбс за рекетирање и трговија со луѓе трае веќе со недели, а поради неговото однесување на рочиштето во четвртокот, судијата се заканил дека ќе го исфрли од судницата.
Препорачано
Како што наведува Би-би-си, судијата Арун Субраманијан го предупредил Диди дека ќе биде исфрлен затоа што правел гримаси и енергично климал со главата кон членовите на поротата во текот на испрашувањето на Брајана Бонголан, пријателка на поранешната девојка на раперот, Касандра Каси Вентура.
– Ваквите постапки се апсолутно неприфатливи – рекол судијата, а адвокатите на Комбс го уверувале дека тоа нема да се повтори.
На рочиштето сведочела и жена под псевдонимот „Џејн“, која била девојка на Комбс од 2021 година до неговото апсење минатата година. Таа опишала како првите месеци од врската биле многу динамични, тој ја водел на патувања, во скапи ресторани и многу ѝ се допаѓал. Но, по извесно време, рекла таа, Комбс побарал од неа да има секс со друг маж. Првиот пат тоа се случило во мај 2021 година, а Џејн верувала дека тоа ќе биде и единствениот пат.
– Таа ноќ се отвори Пандорината кутија на нашата врска – рекла таа на судењето.
– Тоа беше врата што повеќе не можев да ја затворам. Многу работи се случија подоцна и беше премногу за мене – рекла таа.
Но, како што раскажала, таа продолжила со сè што Диди барал од неа затоа што „навистина го сакала“ и сакала да го „направи среќен“. Џејн исто така изјавила и дека неколкупати му рекла на Диди дека повеќе не сака да го прави тоа. Но, тој го барал тоа од неа уште неколкупати потоа…
Во април 2023 година, тој почнал да ѝ плаќа 10.000 долари месечно за нејзиното сместување, што ја натерало да се чувствува „должна“. Исто така, Џејн рекла дека тој ѝ набавувал дрога и дека таа ја користела и за средбите со другите мажи, на негово барање.
Асистентката на Диди сведочи: Каси Вентура не сакаше да раскине со раперот зошто Џеј Зи беше…
Нови шокантни детали на судењето на Диди, еден сведок го обвини и Харви Вајнштајн
