Студентки од Индија станаа симбол за храброст откако формираа „жив ѕид“ за да го заштитат својот колега од силните удар на полициските палки. Ова се случи за време на масовните протести во Њу Делхи, кои се одржуваат поради новиот контроверзен граѓански закон, пренесуваат британските медиуми.

На снимката објавена речиси од сите светски медиуми, може да се забележи како група полицајци влечат еден демонстрант, а потоа го удираат со палки додека лежи на земја.

I have no words to even say anything about this video. I am so proud of these women who bravely have showed that they are not scared of the Police. Delhi Police is exposed.

Please watch the whole video and listen carefully. #JamiaProtest #JamiaProtestsCAB #CABPolitics pic.twitter.com/p4Aj4ZnoLI

— Nabiya Khan | نبیہ خان (@NabiyaKhan11) December 15, 2019

За да го запрат претепувањето од страна на полицијата, неколку девојќи формираа „жив ѕид“ и ја одвратија полицијата од својот пријател. Поради храбриот потег, девојките се прогласени за хероини, во момент кога во Индија беснеат масовни протести поради контроверзниот закон.

Станува збор за законот кој овозможува добивање на државјанство на имигрантите кои не се муслимани, а нелегално влегле на територијата на Индија од соседните земји.

Врховниот суд на Индија го одложи разгледувањето на уставноста на новиот закон за државјанство, и покрај масовните протести ширум земјата.

Судот со тоа не ја суспендираше примената за новиот закон за индиско државјанство, а одлуката за неговата уставност ќе ја донесе на 22 јануари, пренесува „АП“.

Протестите против законот избија во државата Асам минатата недела, но тие потоа станаа насилни и се проширија на универзитетите ширум земјата. Протести се организираат и во индиските држави Западен Бенгал, Керала и Карнатака.