Струга Трим Лум забележа нова победа во Првата лига откако попладнево славеше над „жилавиот“ Пелистер со 2-0.

Стружани до победата стигнаа во финишот на натпреварото откако резервистот Христијан Малески со два погодоци го реши прашањето на победникот.

Пелистер на овој натпревар допатува ослабен, шанса во стартната постава добија младиот Габриел Крстевски во средниот ред и Јован Мрмачовски во нападот. Зелено-белите на овој натпревар беа и без тренерот Капинковски поради обврските кој ги има кон репрезентацијата до 18 години.

Струга со овие три бода, како и по киксот на Вардар против Башкими (0-0), Струга Трим Лум го презеде врвот на табелата со 22 бода, два повеќе од „црвено-црните“ и шампионот Шкендија. Пелистер, пак, петти пат по ррд е поразен и останува на десеттото место со само шест бода.

Преземено од: Спорт.ком.мк